抢收视!小方同杜德智重要部位贴到实 吴绮莉否认祖名出手助买楼
今日快报
阿娇哭诉真心男友难寻:我已经找到
为拍摄大陆综艺节目,曾宝仪带锺欣潼(阿娇)到熊本百年怀石料理店食好嘢,并邀请了日本排名第一的艺伎即场表演,原来这位艺伎已是83岁高龄,表演生涯已长达65年,两人纷纷称赞其专业精神,看完表演后阿娇感悟很深,首次向观众坦露心扉:「其实我自己是一个很容易相信别人的人,真心的男朋友很难找,家人也会提醒你,那个人你要小心点。」说得动情,阿娇忍不住落泪,而当被祝福一定会找到真正的爱情时,阿娇公开表示:「我已经找到了。」
吴绮莉否认祖名出手助买楼
艺员吴绮莉被女儿卓林控以刑事恐吓而导致警方介入,之后有关母女二人的传言满天飞。今有指吴绮莉入市值千五万的大坑寓所,幕后推手是成龙儿子房祖名。吴绮莉接受媒体访问,讲到祖名出手助她买楼,又有传她继承母亲遗产,她即否认说:“痴线!我无需要向大家解释我嘅经济,有几多钱无需要同大家分享,我件TEE着两日又话我搲捞、间屋住几大又话我忽然富贵!我究竟要着咩衫,屋要几大,做份乜嘢工先啱呢?我依家好忙要去处理屋企嘅事!”
除了入市买楼,更有指吴绮莉允许女儿卓林在与朋友聚会时食烟及饮威士忌,指她管教有问题,她说:“依家大人聚会、啲酒摆晒喺度,咁我哋母女去参与,唔通叫佢食香口胶咩!佢依家已经咁大,就算唔系同妈咪一齐,佢都系选择自己需要嘅嘢,我系控制唔到。”
抢收视!小方同杜德智重要部位贴到实
艺人方力申(小方)出席“微博之星颁奖礼”,透露跟师传杜德智在网上做明星爱运动直播,吸引很多人睇,又踢爆说:“有次佢仲差啲成条人鱼线扯出嚟,差啲扯晒出嚟,我即刻冲过去遮住佢。”小方又爆有次他在地上做掌上压,对方就人叠人般趴在他身上:“都有网友话我哋重要部位好贴,所以可能咁样浏览就好高。”他亦谓做了个微博话题是“跟着小方去健身”,近排都少甫了很多做运动的相,因为有歌迷及朋友跟他讲甫来甫去都是跟男人做Gym相,睇到好闷,记者叫他找女仔一齐影,他就谓:“边敢,身家清清白白都咁多绯闻,仲有成五个。”
同场有旧绯闻女友锺欣潼(阿娇),小方表示有跟对方倾偈,讲到阿娇谓没有跟他拍过拖,他即眼眨眨谓:“系呀,咁耐绯闻仲讲?(你哋依家两个单身可以有机会?)唔好
(佢啱晒你嘅条件呀。)我依家净系想要清静,想要6旧腹肌。”记者再追问他跟阿娇可有机会?他谓:“唔讲呢啲啦。(叫佢上你嗰个“跟着小方去健身”?)慢慢嚟,有机会。(同佢一齐做运动?)唔讲绯闻啦,咁多年前绯闻仲讲。”
太太随时生得 黎诺懿怕血唔敢剪脐带
艺人黎诺懿、黎耀祥(祥仔)、丁子朗及陈雅思出席节目《叹得好健康》记者会。黎诺懿透露太太日前产检,医生表示未必能够顺产:「BB未跌得够落,不过磅数各方面都呈现随时可以出世,老婆同我讲要留意电话,一定要见证到囝囝出世嗰刻。我比较怕血,紧张又会手震,到时又要录像,所以未必敢剪脐带。」他又指太太日前才拍大肚写真留念:「佢一直长肚唔长肉,所以近排先真正见肚咋。」
佘诗曼糟质黄子华:好残忍咁掴佢
艺人佘诗曼出席“微博之星颁奖礼”,表示上年电影《使徒行者》上映,对于电视剧及电影都获大家支持感到开心,如果内地有想做的工作都想上去。
讲到工作,她透露最近忙跟黄子华拍电影《栋笃特工》,估计要拍多一个月,透露两人在戏中要互相糟质:“佢知我优点、缺点,所以就会用我嘅优点欺负我,而我就用权力去收伏佢。(佢会唔会打你?)冇,反而系我打佢,有幕戏系佢要倒吊,仲要淋水湿身,但我仲要好残忍咁掴佢一巴,但我唔忍心,嗰日得12度,佢个样又红晒,青筋又现晒,所以唔舍得掴落去,但导演话穿崩,变咗佢要再吊多次,跟住子华就叫我“你掴落嚟啦”,我就真系掴落去,但嗰下我觉得好似几大力,但佢话宁愿一take过,所以我宁愿畀人掴好过我掴人 。”
☞转载授权微信:lama129
☞ 商务QQ:1900556960
☞投稿邮箱:[email protected]